Assalamu'alaikum.wr.wb.
Dunsanak pambaco nan Ambo muliakan...Untuak carito minang lucu pado kasampatan ko ,Ambo ka mancaritoan pangalaman pribadi konco palangkin Ambo nan ba profesi sabagai supir di sabuah perusahaan swasta di Pakanbaru.
Iko kisah nyata ,true story kecek urang baraik....:D.Jadi mangkon kisah nyo ha...
Kawan Ambo ko namonyo Ijal (Indak JALeh ''namo disamarkan").Inyo karajo jo induak samang urang asiang (urang bule) ,tapi Bule ko lah agak mangarati dan bisa bahaso Indonesia saketek2.Jadi saketek banyak nyo lai tantu di liau bahaso Indonesia walaupun agak patah-patah .Kadang sakarek ula sakarek baluik ,kadang lai lancar tapi logat nyo ganjia tadanga di talingo awak...
Bule ko hobinyo makan kuliner Indonesia ,kasanyo memang hobi makan paja ko mah :D .
Jadi pado maso itu ,Bule ko nak ingin pai raun-raun ka Bukittinggi , antah sia pulo nan maagiah tau ka inyo kalau di Bukittinggi banyak makanan nan lamak ,ingin pulo liau nak mancibo kuliner rang Bukittinggi...Samo tau lah Dunsanak ambo ,Bukittinggi tu kan sarugonyo makanan lamak ,sagalo macam makanan nan lamak lai di sinan .
Hari partamo di Bukittinggi ,di bao nyo lah di si Jal ko induak samang nyo pai makan nasi kapau , bisuaknyo pai makan gulai itiak ijau di Panorama ,sudah tu minum kopi kawa lo sorenyo .Apo ndak sero tu Dunsanak ?? he...he..he.. :D .Pendeknyo dima lapau nasi nan lamak di bao dek si Jal ko Induak samang nyo ka situ...
Pendek carito pai lah urang ko pai makan sate Kambiang , sadang makan sate tu , batanyo lah Bule ko ka si Jal.
Bule :Jal...sate kambing ini dari daging apa ?.
Ijal :Ya dari daging kambing Sir..
Bule :Apa itu kambing ?.
Ijal : kambing...????...GOAT Sir ,jawek si Jal ragu-ragu ,dek inyo ndak baitu paham pulo bahaso inggirih .
Bule : Oooo....ya...ya...ya...sambia ma angguak....Sapulang dari makan sate ko agak terkesan Bule ko ...
Bule : Selain sate kambing ,ada sate apa lagi Jal di Bukittinggi ini ?
Ijal : Sate Padang Sir .Bule : Sate Padang ?? -(penasaran).
Ijal : Besok lah kita makan sate Padang Sir.
Bule : Okay ,saya jadi penasaran.
Singkek carito ,pai lah mereka ko makan sate Padang kecek si Jal tu.
Baru masuak halaman kadai sate tu se lah tapampang merek "BUFFET SATE AJO KUDUN''.
Mancaliak bule nan masuak kadai ,nyo bagageh lah Ajo Kudun nan punyo gerai sate manyambuik tamu nyo.
Ajo Kudun : Silahkan Mister ...Mister mau pesan apa.??...sambia sanyun-sanyun...
Bule : Saya pesan sate AJO KUDUN 2 porsi.
Ajo Kudun : Okay mister ,jawek Ajo Kudun mantap .Tagak bulu iduang Ajo Kudun mandanga namo nyo di sabuik2 dek urang Bule tun...
Ijal : ??????.Ndak lamo tibo lah sate duo piriang di ateh meja ...
Ajo Kudun : Silahkan mister ...
Bule : Thank's......
Ajo Kudun : Enak mister...?
Bule : Ya....By the way...Ajo Kudun ini jenis BINATANG APA YA ?? ,dagingnya enak sekali.
Ajo Kudun : APO KECEK ANG ??? AJO KUDUN TU NAMO DEN TU...NAN WA'ANG MAKAN TU DAGIANG JAWI TU KAPUNDUANG..!!!.
Bule : What do you mean??!!!.
Ijal :Mampus den... hadeh
Ajo Kudun :Namo den ''KUDUN" ,bukan Amin..!!!
Bule : ?!?!?!?!
hadooh...SEKIAN
Wassalam
Asli Lawak....wkwkwkwkwk
ReplyDelete